教日語嘅時候，
不少同學都會被36課「ように」的意志和無意志動詞呢兩個字嚇親，
表面上好似好複雜，但其實只要分清楚類型，
掌握核心規則，句子就會變得自然好多。
「ように」通常係用嚟表示目的或者期待的結果，
而呢個結果往往唔係我哋直接可以控制嘅行為，
而係一啲自然發生嘅狀態。
比如「忘れないように、メモしておきます。」呢句，
真正能控制嘅係「寫低」呢個動作，
而「不會忘記」只係希望達到嘅結果。
同樣地「遅れないように、早く家を出ます。」亦都係咁樣，
早出門係「意志動詞」，
避免遲到則是無意志的狀態。
呢個係「ように」嘅典型結構：
用意志動詞去努力，目的是達到一個無意志動詞所描述的狀態。
不過，唔係所有無意志動詞都可以同「ように」搭配。
好似「あります」呢種存在動詞，
或者「雨が降ります」呢種自然現象，
因為完全不受人為控制，所以一般唔會同「ように」一齊用。
相反「～になる」呢類表示狀態變化嘅動詞，
卻經常和「ように」連用，
例如「元気になるように、たくさん寝ます。」
或者「上手になるように、日本語で話しています。」
因為「なる」雖然唔係直接的意志行為，
但佢描述嘅結果可以透過努力去追求。
我自己以前都犯過錯，
例如將「治るように」誤寫成「治れるように ×」。
因為狀態變化已經係無意志動詞，
所以唔需要再變成可能形去接「ように」，
但我當時就以為乜都要轉可能形去接，
感覺包無錯，結果原來唔係咁。
不過，「～になる」
喺「医者になれるように毎日勉強しています。」
呢句卻係正確，
因為「～になる」接「医者」係意志動詞，
所以可以轉成可能形去接「ように」。
呢點確實幾有趣：
同樣係「なる」，
「元気になる」係自然變化、不可直接控制嘅狀態＝無意志動詞，
但「医者になる」就係身份、職業、立場嘅選擇或達成＝意志動詞。
在教學上，我會提醒學生先判斷動詞的性質，
呢個動作係我能夠「話做就做」的嗎？
如果係，就屬於意志動詞，就唔可以直接同「ように」搭配；
如果唔係，就屬於無意志動詞，
然後再睇除咗可能形、否定形呢啲容易判斷嘅動詞之外，
餘下是否狀態變化、感情心理、或者到達結果呢幾類（不用轉可能形）。
只要分類清楚，就可以更快掌握規則，避免常見錯誤。
而且喺有限時間內，
例如考試或者需要快速判斷句型嘅情況，
呢套動詞分類規則就成為一個「快速判斷工具」
學生只要見到句子，就立即分析動詞係意志定無意志，
再決定「ように」能否搭配。（雖然我自己多數靠語感）
其實只要分清楚意志動詞同無意志動詞，
就唔難理解「ように」嘅用法：
O 無意志動詞可以搭配「ように」
例：忘れないように、メモします。
X 無意志動詞中的存在動詞／自然現象通常不搭配
例：あります、雨が降る
掌握分類（可能形、否定形、狀態變化、感情、到達結果），
再留意常見錯誤（治れるように ×、忘れられるように ×），
就能用得更準確。
#日語學習 #ように #語言技巧 #學習筆記 #日本語勉強中
