學習

學日文邊間好?日語課程大比拼!比較7種學習方法的價錢及好與壞(附心得和聽聞)

8 分鐘能睇完

對日本文化有興趣,又或鍾情日本文化的你

在香港要學日文的話,坊間有太多不同的途徑。

要找真的有很多選擇。汗

但那一種更適合自己呢?那裏學日文好呢?

以下我會為你介紹7種不同的途徑去學日文

以及其中的價錢及好與壞。

評審標準有以下項目:

價格、便利程度(如交通或其他付出)、須時及人數

亦會有我收集回來的情報同自己的偏見和心得。笑

1.去日本留學或遊學

價格:最貴(機票食宿交通及學費雜費)約13~16萬港元/年

便利:視學校與住宿的距離,學習期間要有放下香港種種去學的決心

須時:全日時間

人數:多

學得夠快,亦有大量實習機會(身處日本嘛),

但需花費大量金錢同時間。

適合有錢有時間及無牽無掛的人。

優點:最快。半年至1~2年左右,實習機會隨處都有。(只要你肯講)笑

缺點:太貴。要有充足時間,放下香港種種全心全意去學,不能兼讀。

如果想兼讀的話繼續看下去吧~

2.工聯會學日文

價格:平 每季約600元左右

便利:車程約15分鐘~1小時

須時:每星期1.5小時

人數:極多

我以前去學就超多人,只能在遠處聽老師講。

學完一季想再學,只對日文產生少許認識就被家人當識晒。汗

一問就乜都答唔上

結果當然被家人中斷了報下一季。淚

所以我覺得呢個唔係一個想正式學下去的方法。

要正式學的話

不應該有每季報讀的中斷位。這對學習絕對是一個很大的障礙!怒

相信我!要熱身(pick up)是很浪費時間又無效率的,以我的教學經驗。

適合只想了解一下,唔怕人多,學習中斷時會自己複習預習的人。

優:最便宜,亦有多個分區可選擇。

缺:每季有暫停時間,要再睇課程表報名。因為人數多,唔夠互動,好易變啞巴學生......

3.日語學校學日文

價格:一般 約800~1000港元/月

便利:車程約30分鐘~1小時

須時:每星期1.5~2小時

人數:一般 約10多人一班

人數上,10多人是可以接受的程度。

在專門學日文嘅學校學

例如日經或日本文化協會

提問及講野的機會亦比較多,學習氣氛亦不錯。

當時我找學日文的途徑時,星期日有班的不多,因此就選了日語學校學日文。

但唔夠人會成班取消,被迫加入令一班或等開新班,所以老師難固定。

請假或有要事上唔到堂時,想補堂不容易⋯⋯

例如我只能上星期日,根本補不了堂。

就算想補堂,一季也就只有1次左右

所以只能在下課或休息時間自己追問返老師無上到堂的內容。

適合想輕鬆學習和須要兼讀的人。須要確保自己的出席情況。

優點:互動性算高亦不算貴,部分有星期日課。

缺點:唔夠人會停課,補課及追回進度困難,老師亦難長期固定。

親耳聽聞:

我有個學生話佢去過某P校學日文,佢話教佢嗰個老師雖然是日本人

但似係嫁來香港搵工做,根本唔識教禁話。

所以要自己親身評估一下,唔係話邊間有名學校一定好

4.在大學或hku space香港大學校外課程學日文

價格:一般  hku space香港大學校外課程約6千港元/年

便利:車程約30分鐘~1小時

須時:一星期要確保最少3小時上課學習時間

人數:多

有大學二字,聽起來比較正規,

學生年齡相差不太遠。(唔會有小學生)

但為保課程教學進度,老師實際上被規範教授每節內容。

不能自行以學生能力來調整進度。

人數多,老師不能兼顧每一個學生。

容易會有走馬看花,趕馬仔,知識沒有足夠時間沉澱鞏固的情況。

適合想快點學會,有自學能力唔怕人多而又有足夠時間做功課的成年人。

優點:相對較快,年齡相差不太大

缺點:老師要跟足課程大綱及進度去教,不能因應個人能力靈活應變,人多亦趕。

親耳聽聞:從學完的前同事C小姐說:「學完之後有走馬看花之感。好多都好似識,但又唔係好肯定。功課量亦多。」

5.在中小學學日文

價格:免費或幾百元/年

便利:在課堂或課外活動時間學習

須時:每星期約1.5小時

人數:多

無學過日文,又想初次接觸一下的話

除咗工聯會

中學生、小學生或小朋友學日文

可以睇下學校有無一些多元智能班有日文可以上。

可以借此先了解一下50音,出去再重新學時就會容易上手得多。

為甚麼只係作初次了解?因為好多時都要睇學校的行事曆停課

之前都講過,中斷絕對係學習的障礙。

一停隨時又一個月無上,例如放新年假或學校測驗考試。

而且仲會有啲同學係家人叫黎上

又或只係唔想上其他班而黎,容易缺少學習氣氛。

當上完一年,下年唔夠人上進階班隨時又無得再接上去。

所以只能作淺嘗,不能長時期進行下去......

適合中/小學生作初次接觸

預先了解一下50音或句子。

優點:對中小學生最平最方便的選擇

缺點:要抽籤,卻會有某些學生唔一定想學或被父母叫來學,從而影響學習氣氛

親身經歷:

問過一些來上日文堂的學生

有啲只係想黎涼冷氣同做晒啲功課

有啲問佢鍾意乜歌,佢話韓文歌......旁邊有韓文班為何不上?

佢話因為抽唔到,所以黎日文班......

6.私人教授

價格:較貴 約每小時250~450元

便利:車程約30分鐘~1小時或上門

須時:自定,多數由1~3小時不等

人數:1~2人(私人嘛)

位置及時間比較自由

互動同講野機會最多的選擇。

老師可以因應個別情況,找出及更正發音問題

進度亦可視自己學習程度加快減慢甚至重溫。

亦可交流各種有趣事情,比較開放

但老師有事要請假時會暫停。(沒有代課嘛,雖然都唔鍾意由其他老師代課)

適合想改善問題,固定老師的人,又或時間不太穏定的人。

優點:時間彈性,雙方請假容易,唔怕缺課,唔怕會變成其他人代課

缺點:相對較貴,老師請假就要稍為暫停

7.中國、香港或台灣網上日語

價格:適中

便利:在有網路環境下,隨時在網上學

須時:每星期約1~2小時

人數:1(影像教材)

只要有時間就可以學習,星期日亦可。

多以中國台灣為主,以普通話教授,說話節奏較慢。

適合聽慣普通話而又會自己不斷做練習的人

優點: 較平,練習亦多

缺點: 講普通話或方言,網頁頁面比較雜亂,自律性要求較高

有人問,禁youtube學好唔好?

我會話,youtube的內容都係偏向獵奇性以吸引人注目的

例如課堂上未必教得到嘅野

就好似散落某處的某一塊砌圖禁

睇咗係有意義,都有野學到

但就無一個完整嘅路線圖去一級一級禁學上去

作為輔助教材是很好的選擇

練聽練睇字都係唔錯嘅。

總結

如果你有錢有時間,當然係直接去日本留學啦;

可以抽到固定時間,又想有氣氛就選日語學校

如果可以負擔得到,想改善問題或提速,禁私人教授會係不錯的選擇;

想平又無固定時間,網上教學課程應該是最合適不過了。

了解更多

想學日文嗎?這裏有1對1日文網上課程

按我了解1對1日文網上課程

零檬聲些(Raymond)

以港島東區為中心,教授日文。由初中生至成人,被充滿活力的學生們包圍着。 教授初學者也能容易明白,成年人亦大受歡迎的私人及小組日文教室。 我從小已喜歡日本文化。曾經花了10年時間收集雜誌的日文專欄自學,卻學不懂日文。後來得到當時日資公司的上司指引,正式地去學日文。以兼讀形式用了7年的時間,每星期3小時,終於取得N1級證書。 在2013年更取得日本語教師研修証書及成為香港日本語教育研究會會員。 學習日文期間,發覺學日文真的很有趣,又可啟發思考,決心想把這份觀樂帶給想接觸日文但唔知點入手的學員,所以開始了教日文。

 

【免費由零開始用13堂課去學習!日文五十音基礎養成講座】(每週一堂)

* 必填項目
 
 

覺得這篇文章有用?按下面按鈕分享給你的朋友吧~

-學習
-, , , , , , , , , , , , , , , , , , , , , , , , , ,

Copyright© 零檬聲些的日語教室 , 2021 All Rights Reserved.